കോന്നി : പെരിഞ്ഞൊട്ടക്കൽ സി എഫ് ആർ ഡി കോളേജിൽ നിലവിലെ പരിമിതികൾ ഘട്ടം ഘട്ടമായി മാറ്റി എടുക്കുമെന്ന് സംസ്ഥാന ഭക്ഷ്യ പൊതു വിതരണ ഉപഭോക്തൃകാര്യ ലീഗൽ മെട്രോളജി വകുപ്പ മന്ത്രി അഡ്വ ജി അനിൽകുമാർ പറഞ്ഞു. ഭക്ഷ്യ പൊതു വിതരണ ഉപഭോക്തൃ കാര്യ വകുപ്പിലെ ജീവനക്കാർക്കായുള്ള ഡോർമെറ്ററി കെട്ടിടത്തിന്റെ ശിലാ സ്ഥാപന കർമ്മം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. പരമാവധി പ്രഖ്യാപിക്കുന്ന പദ്ധതികൾ 100% യഥാർഥ്യമാക്കും. സർക്കാരിന്റെ 100 ദിന കർമ്മ പദ്ധതിയിൽ സി എഫ് ആർ ഡി ക്ക് പ്രത്യേക പരിഗണനയാണ് നൽകുന്നത്. സി എഫ് ആർ ഡി കോളേജിൽ പരിശോധനക്ക് എത്തിക്കുന്ന ഉത്പന്നങൾ സമയ ബന്ധിതമായി പരിശോധിച്ച് പരിശോധന ഫലം നൽകും.
സി എഫ് ആർ ഡി കോളേജിലെ ലാബിന്റെ പ്രവർത്തങ്ങൾ എല്ലാ ഉദ്യോഗസ്ഥരും ഒരുപോലെ അറിഞ്ഞിരിക്കണം എന്നും മന്ത്രി കൂട്ടി ചേർത്തു. കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി അധ്യക്ഷത വഹിച്ചു. സി എഫ് ആർ ഡി ചീഫ് എക്സിക്യൂട്ടീവ് ഓഫീസർ & സപ്ലേക്കോ മാനേജിങ് ഡയറക്ടർ ഡോ സഞ്ജീവ് പഡ്ജോഷി ഐ പി എസ് മുഖ്യ പ്രഭാഷണം നടത്തി. അഡ്വ കെ യു ജനീഷ് കുമാർ എം എൽ എ, സി പി ഐ ജില്ലാ അസിസ്റ്റന്റ് സെക്രട്ടറി മലയാലപ്പുഴ ശശി, സി പി ഐ സംസ്ഥാന കൗൺസിൽ അംഗം പി ആർ ഗോപിനാഥൻ,കോന്നി ബ്ലോക്ക് പഞ്ചായത്ത് അംഗം ആർ ദേവകുമാർ,സി എഫ് ആർ ഡി ഡയറക്ടർ ഇൻചാർജ് ബി അശോകൻ തുടങ്ങിയവർ സംസാരിച്ചു.
