കോന്നി : സി.എഫ് ആർ.ഡി.യിലെ ഡോർ മെറ്ററി കെട്ടിടത്തിന്റെ ഉദ്ഘാടനം തന്നോട് ആലോചിക്കാതെ നടത്തിയെന്നാരോപിച്ചു കെ.യു ജനീഷ്‌കുമാർ എം.എൽ.എ. സി.എഫ്. ആർ.ഡി.യിലെ അഡ്മിനിസ്‌റേറ്റീവ് ഓഫീസറെ ശകാരിച്ചു. മന്ത്രി ജി.ആർ. അനിൽ ഉദ്ഘാടനം നിർവഹിച്ച ശേഷം സി.എഫ്. ആർ ഡി യിൽ നിന്നും മടങ്ങിയ ശേഷമാണ് എം.എൽ.എ ഉദ്യോഗസ്ഥനോട് മാധ്യമ പ്രവർത്തകരും ഉദ്യോഗസ്ഥരും നോക്കി നിൽക്കെ കയർത്ത് സംസാരിച്ചത്.
പുതിയ കളക്ടർമാർ ചുമതലയേൽക്കുമ്പോൾ പോലും ജില്ലയിലെ എം.എൽ.എ മാരെ വിളിക്കാറുണ്ടെന്നും എന്നാൽ കോന്നി സി.എഫ്. ആർ.ഡി യിലെ ചില ഉദ്യോഗസ്ഥർ ഉത്തരവാദിത്ത രഹിതമായി പ്രവർത്തിക്കുന്നെന്നുമാണ് എം.എൽ.എ ആരോപിച്ചത്. 16 ന് നടത്തേണ്ടിയിരുന്ന ഉദ്ഘാടനം മാറ്റി വെച്ചത് തന്നെ അറിയിച്ചില്ലെന്നും എം.എൽ.എ ആരോപിച്ചു. മന്ത്രി ഡോർമെറ്ററി കെട്ടിടത്തിന്റെ പണികൾ ഉദ്ഘാടനം ചെയ്ത ശേഷമാണ് എം.എൽ.എ വേദിയിലേക്ക് കടന്നു വന്നത്. ഉദ്ഘാടന ചടങ്ങിൽ സ്വാഗതം പറഞ്ഞശേഷമാണ് പ്രാർത്ഥന നടന്നതും ആശയകുഴപ്പമുണ്ടാക്കി.
