റാന്നി: റാന്നിയിലെ ചെറുപ്പക്കാർക്ക് തൊഴിൽ പരീക്ഷകളിൽ മികവാർന്ന പരിശീലനം ഒരുക്കി എംഎൽഎയുടെ കരിയർ അക്കാദമി ഒക്ടോബർ 4 ന് പ്രവർത്തനം ആരംഭിക്കും. കരിയർ അക്കാദമിയിൽ പിഎസ്സി, യുപിഎസ്സി, സിവിൽ സർവീസ്,ബാങ്ക്, റെയിൽവേ, കമ്പനി, പോർട്ട്, കോർപ്പറേഷൻ എന്നീ തൊഴിൽ മേഖലകളിലേക്ക് ജോലി ലഭിക്കുന്നതിന് കേരളത്തിലെ ഏറ്റവും മികച്ച പരിശീലനം ഉറപ്പാക്കുകയാണ് ലക്ഷ്യമിടുന്നത്. അക്കാദമിയുടെ ഉദ്ഘാടനം ഒക്ടോബർ 4 ന് രാവിലെ 9 30 ന് നിയമസഭാ ഡെപ്യൂട്ടി സ്പീക്കർ ചിറ്റയം ഗോപകുമാർ നിർവഹിക്കും. അഡ്വ. പ്രമോദ് നാരായൺ എംഎൽഎ അധ്യക്ഷനാകും ഡിജിപി അജിതാ ബീഗം ഐപിഎസ് മുഖ്യാതിഥിയാകും.
കരിയർ അക്കാദമിയുടെ ആദ്യ പരിശീലന പദ്ധതിയായ സൗജന്യ പി എസ് സി കോച്ചിംഗ് അന്നേദിവസം ആരംഭിക്കും. കേരള പിഎസ്സിയുടെ വിവിധ പരീക്ഷ എഴുതാൻ യോഗ്യരായ നിയോജകമണ്ഡലത്തിലെ യുവതീ യുവാക്കൾക്ക് സൗജന്യ പരിശീല പദ്ധതി പ്രയോജനപ്പെടുത്താം. പിഎസ്സിയുടെ വിവിധ പരീക്ഷകൾക്ക് എങ്ങനെ തയ്യാറാകാം എന്ന മാർഗ്ഗനിർദ്ദേശ പരിശീലന ക്ലാസ് അന്നേദിവസം പകൽ 11ന് നടക്കും.കേരളത്തിലെ പ്രമുഖരായ പരീക്ഷാ പരിശീലകർ സെമിനാറിൽ പങ്കെടുക്കും. എൻഎസ്എസ് റാണി താലൂക്ക് യൂണിയനാണ് കരിയർ അക്കാദമിയുടെ പരിശീലന പദ്ധതിക്കായി സ്ഥലം വിട്ടു നൽകിയിരിക്കുന്നത്. രജിസ്ട്രേഷനും മറ്റു വിവരങ്ങളുമായി ബന്ധപ്പെടേണ്ട നമ്പർ 9961606244
