വയനാട് : പ്രണയം നിരസിച്ച വിദ്യാര്‍ഥിനിയെ യുവാവ് കുത്തിപ്പരുക്കേല്‍പ്പിച്ചു. വയനാട് ലക്കിടിയിലെ സ്വകാര്യ കോളേജിൽ രണ്ടാംവര്‍ഷ ബിരുദ വിദ്യാര്‍ഥിനിയാണ് ആക്രണമണത്തിന് ഇരയായത്. യുവതിയെ ആക്രമിച്ച പാലക്കാട് മണ്ണാര്‍ക്കാട് സ്വദേശി ദീപുവിനെ പോലീസ് കസ്റ്റഡിയിലെടുത്തു.
വൈകുന്നേരത്തോടെയാണ് വിദ്യാര്‍ത്ഥിനിക്ക് നേരെ യുവാവ് അക്രമണം നടത്തിയത്. ഫെയ്‌സ് ബുക്ക് വഴിയാണ് ഇരുവരും പരിചയപ്പെട്ടത് . കുത്തേറ്റവിദ്യാര്‍ത്ഥിനിയുടെ ആരോഗ്യ നിലയെക്കുറിച്ച് വൈത്തിരി താലൂക്കാശുപത്രിയില്‍ നിന്നും വിവരങ്ങളൊന്നും ലഭ്യമായിട്ടില്ല. സുഹൃത്തിനൊപ്പമാണ് ദീപു ലക്കിടിയിലെത്തിയത്.
