പത്തനംതിട്ട : വയലത്തല പ്രസാദ് സൗണ്ട്സ് ഉടമ ജോലിക്കിടെ വൈദ്യുതാഘാതമേറ്റു മരിച്ചു. വയലത്തല ചാക്കപ്പാലം മേപ്രത്ത് ചന്ദ്രശേഖരന് നായരുടെ മകന് എം.സി പ്രസാദ് നായര് (48) ആണ് മരിച്ചത്. ലൈറ്റ് ആന്ഡ് സൗണ്ട്സ് വെല്ഫെയര് അസോസിയേഷന് ഓഫ് കേരളയുടെ റാന്നി മേഖലാ സെക്രട്ടറിയായിരുന്നു. പ്രസാദിന്റെ ആകസ്മിക വേര്പാടില് ലൈറ്റ് ആന്ഡ് സൗണ്ട്സ് വെല്ഫെയര് അസോസിയേഷന് ഓഫ് കേരള പത്തനംതിട്ട ജില്ലാക്കമ്മിറ്റി അനുശോചനം രേഖപ്പെടുത്തി.
ഉതിമൂടിനു സമീപം പന്തളംമുക്കില് മരണം നടന്ന വീട്ടില് ലൈറ്റിന്റെ ജോലികള് ചെയ്യുന്നതിനിടെ ഇന്നു വൈകിട്ടു നാലിനായിരുന്നു അപകടം. വൈദ്യുതി ലൈനിനു മുകളിലൂടെ ഇലക്ട്രിക് കേബിള് എറിഞ്ഞതോടെ വൈദ്യുതാഘാതമേല്ക്കുകയായിരുന്നു. വടശ്ശേരിക്കര ബംഗ്ലാംകടവ് മേപ്പുറത്തു വീട്ടില് ശ്രീലേഖയാണ് ഭാര്യ. മക്കള് – ഗീതു പ്രസാദ്, ഗംഗാ പ്രസാദ് (ഇരുവരും വിദ്യാര്ഥികള് ). കൂടുതല് വിവരങ്ങള്ക്ക് 94955 54646 സന്തോഷ്.