കണ്ണൂർ : തലശേരി ഉസംമെട്ടക്ക് സമീപം അമ്മക്കും മകൾക്കും വെട്ടേറ്റു. ഉസംമെട്ട സ്വദേശി ഇന്ദുലേഖയ്ക്കും മകൾ പൂജയ്ക്കുമാണ് വെട്ടേറ്റത്. പ്രണയാഭ്യർത്ഥന നിരസിച്ചതിനാണ് യുവാവ് വീട്ടിൽ കയറി ആക്രമിച്ചതെന്നാണ് സൂചന. രണ്ടു പേരെയും ആക്രമിച്ച ചെറുകല്ലായി സ്വദേശി ജിനേഷ് ബാബുവിനായി ന്യൂ മാഹി പോലീസ് തിരച്ചിൽ ഊർജിതമാക്കി. പരുക്കുകളോടെ അമ്മയെയും മകളെയും തലശേരി ഇന്ദിര ഗാന്ധി ആശുപത്രിയിൽ പ്രവേശിപ്പിച്ചു. തന്നെയും മകളെയും കൊല്ലാനാണ് ജിനീഷ് എത്തിയതെന്ന് അമ്മ ഇന്ദുലേഖ പറഞ്ഞു. രാത്രി ഏഴരയോടെ വീട്ടിലെത്തിയ പ്രതി വായ പൊത്തി കഴുത്തറക്കാൻ ശ്രമിച്ചു. മകള് പൂജയെ വെട്ടിയത് അതിനുശേഷമെന്നും ഇന്ദുലേഖ പറഞ്ഞു.
