കൊച്ചി : അന്താരാഷ്ട്ര വിപണിയില് സ്വര്ണവിലയില് നേരിയ വര്ധനവ് രേഖപ്പെടുത്തി ഔണ്സിന് 1653 ഡോളറിലെത്തി. ഇതോടെ സംസ്ഥാനത്ത് ഇന്ന് സ്വര്ണവില ഉയര്ന്നു. കഴിഞ്ഞ മൂന്ന് ദിവസമായി കേരളത്തില് സ്വര്ണവില മാറ്റമില്ലാതെ തുടരുന്നതിനിടെയാണ് നാലാം ദിവസം വര്ധിച്ചത്. ഗ്രാമിന് 4645 രൂപയും പവന് 37160 രൂപയുമായിരുന്നു ഇന്നലത്തെ സ്വര്ണ നിരക്ക്. ഇന്ന് സ്വര്ണം ഗ്രാമിന് 10 രൂപ വര്ധിച്ച് 22 കാരറ്റ് സ്വര്ണത്തിന് ഗ്രാമിന് 4655 രൂപയിലെത്തി. പവന് 80രൂപ കൂടി വിപണിവില 37,240 രൂപയിലെത്തി.
