ഡല്ഹി : ഗുരുവായൂര് ദേവസ്വം ബോര്ഡ് മുഖ്യമന്ത്രിയുടെ ദുരിതാശ്വാസ നിധിയിലേക്ക് പത്തു കോടി രൂപ നല്കിയതിനെതിരായ ഹൈക്കോടതി നടപടികള് തല്ക്കാലം തടഞ്ഞ് സുപ്രീംകോടതി. തല്സ്ഥിതി തുടരാന് ഉത്തരവിട്ട കോടതി എല്ലാ കക്ഷികള്ക്കും നോട്ടീസ് അയച്ചു. ദുരിതാശ്വാസ നിധിയിലേക്ക് പണം നല്കുന്നതില് തെറ്റുണ്ടോ എന്ന് ചോദിച്ച കോടതി കാണിക്ക എങ്ങനെ വിനിയോഗിക്കണം എന്ന് തീരുമാനിക്കാനുള്ള അവകാശം ബോര്ഡിനില്ലേയെന്നും ആരാഞ്ഞു. കൃഷ്ണ സാന്നിധ്യം ഒരിടത്ത് മാത്രമല്ലലോ എന്നും കോടതി ചോദിച്ചു.
ഭക്തരുടെ കൂടി താല്പര്യം പരിഗണിച്ചാണ് ദുരിതാശ്വാസനിധിയിലേക്ക് പണം നല്കിയതെന്ന് അഭിഭാഷകനായ എം എല് ജിഷ്ണു മുഖേന നല്കിയ ഹര്ജിയില് ഗുരുവായൂര് ദേവസ്വം വ്യക്തമാക്കി. ക്ഷേത്ര വരുമാനത്തില് നിന്നുള്ള തുക ദുരിതാശ്വാസനിധിയിലേക്ക് നല്കാന് അധികാരമില്ലെന്ന ഹൈക്കോടതി ഫുള് ബഞ്ച് ഉത്തരവ് ചോദ്യം ചെയ്തുള്ള ഹര്ജിയിലാണ് നടപടി.
