ന്യൂഡല്ഹി: കൊവിഡ് ബാധിച്ച മുതിര്ന്ന കോണ്ഗ്രസ് നേതാവ് അഹമ്മദ് പട്ടേലിനെ തീവ്രപരിചരണ വിഭാഗത്തിലേക്ക് മാറ്റി. എഴുപത്തൊന്നുകാരനായ അഹമ്മദ് പട്ടേലിന് കഴിഞ്ഞമാസം ആദ്യമാണ് രോഗബാധയുണ്ടായത്. രോഗം ബാധിച്ച വിവരം അദ്ദേഹം തന്നെയാണ് ട്വിറ്ററിലൂടെ പുറത്തുവിട്ടത്. രോഗം കടുത്തതോടെയാണ് കൂടുതല് ചികിത്സക്കായി അദ്ദേഹത്തെ ഗുഡ്ഗാവിലെ മേദാന്ത ആശുപത്രിയിലേക്ക് മാറ്റിയത്. ആരോഗ്യനിലയില് ആശങ്കവേണ്ടെന്നാണ് ആശുപത്രി വൃത്തങ്ങള് നല്കുന്ന സൂചന.
അഹമ്മദ് പട്ടേലിനെ തീവ്രപരിചരണ വിഭാഗത്തിലേക്ക് മാറ്റിയവിവരം അദ്ദേഹത്തിന്റെ മകനാണ് പുറത്തുവിട്ടത്. ആരോഗ്യനിലയില് ആശങ്കപ്പെടാനില്ലെന്നും മകന് ഫൈസല് ട്വിറ്ററിലൂടെ അറിയിച്ചു. നിലവില് നിരീക്ഷണത്തില് തുടരുന്നു. സുഖം പ്രാപിക്കാന് എല്ലാവരും പ്രാര്ത്ഥിക്കണം’ മകന് ഫൈസല് പട്ടേല് ട്വിറ്ററിലൂടെ അറിയിച്ചു.
