എരുമേലി : നാളെ മണ്ഡലകാലം തുടങ്ങാന് ഇരിക്കെ എരുമേലിയില് നിറയെ മാലിന്യക്കൂമ്ബാരമാണ്. ഗ്രാമപഞ്ചായത്ത് ശുചിത്വമിഷന് പദ്ധതിയുടെ ഭാഗമായി 5 ലക്ഷം രൂപ മുതല് മുടക്കി സ്ഥാപിച്ച മാലിന്യ നിക്ഷേപ കേന്ദ്രങ്ങളിലാണ് മാലിന്യം കുന്നുകൂടിക്കിടക്കുന്ന അവസ്ഥയാണ്.
ക്ലീന് കേരള വിഭാഗത്തിനായിരുന്നു മാലിന്യം നീക്കുന്നതിനുള്ള ചുമതല കൊടുത്തിരുന്നത്. ഇത് കൃത്യമായി ചെയ്യാത്തതാണ് മാലിന്യം ഇത്രത്തോളം കുന്നുകൂടിയത്. പഞ്ചായത്തിന്റെ വിവിധ ഭാഗങ്ങളായി മാലിന്യങ്ങള് നിക്ഷേപിക്കുന്നതിനായി പ്രത്യേക സൗകര്യങ്ങള് തയ്യാറാക്കി നല്കിയിട്ടുണ്ട്. പ്ലാസ്റ്റിക്, ചില്ല്, മറ്റ് മാലിന്യങ്ങള് തുടങ്ങിയവ വെവ്വേറെ നിക്ഷേപിക്കുവാനുള്ള സൗകര്യമാണ് ഒരുക്കിയിട്ടുള്ളത്. എന്നാല് ക്ലീന് കേരള വിഭാഗത്തിന്റെ നിസഹകരണം മൂലം ഇത് മുടങ്ങി കിടക്കുന്ന അവസ്ഥയാണ്.
