പന്തളം: എ.ഐ.വൈ.എഫ് പത്തനംതിട്ട ജില്ലാ ശില്പശാല പന്തളത്ത് വച്ച് ജൂലൈ 20,21 തീയതികളിൽ നടക്കും. സ്വാഗതസംഘ രൂപീകരണയോഗം പന്തളത്ത് എം.എൻ – ടി.വി സ്മാരകത്തിൽ എ.ഐ.വൈ.എഫ് ദേശീയ വർക്കിംഗ് ഗ്രൂപ്പ് മെമ്പർ അഡ്വ. ആർ. ജയൻ ഉദ്ഘാടനം നിർവഹിച്ചു. യോഗത്തിൽ ജില്ലാ കമ്മിറ്റി അംഗം പ്രദീപ് കുരമ്പാല അധ്യക്ഷത വഹിച്ചു. സി.പി.ഐ പന്തളം മണ്ഡലം കമ്മിറ്റി സെക്രട്ടറി ജി.ബൈജു, എ.ഐ.വൈ.എഫ് ജില്ലാ സെക്രട്ടറി എസ്.അഖിൽ, സി.പി.ഐ ജില്ലാ കമ്മിറ്റി അംഗം മണിക്കുട്ടൻ, ജില്ലാ പഞ്ചായത്ത് അംഗം ശ്രീനാദേവിക്കുഞ്ഞമ്മ.ജി, എസ്.അജയകുമാർ, ഉമേഷ് വി.ആർ, ബ്ലോക്ക് പഞ്ചായത്ത് അംഗം വി.എം.മധു, ആർ.രതീഷ്കുമാർ, അനുമോൾ, എസ്.ശ്രീരാജ് എന്നിവർ സംസാരിച്ചു.
തുടർന്ന് സംഘാടകസമിതിയുടെ ചെയർമാനായി ജി. ബൈജു, കൺവീനറായി ശ്രീനാദേവിക്കുഞ്ഞമ്മ. ജി, വൈസ് ചെയർമാന്മാരായി മണിക്കുട്ടൻ, വി. എം. മധു, എസ്. അജയകുമാർ എന്നിവരും ജോയിന്റ് കൺവീനർമാരായി ഉമേഷ് വി. ആർ, പ്രദീപ് കുരമ്പാല, ആർ. രതീഷ്കുമാർ എന്നിവരെ തിരഞ്ഞെടുത്തു.
എ.ഐ.വൈ.എഫ് സംസ്ഥാന ശില്പശാല ജൂൺ 29,30 തീയതികളിൽ കുമിളിയിൽ ദേശീയ പ്രസിഡന്റ് ഉദ്ഘാടനം ചെയ്യും. വിദ്വേഷവിഭാഗ്ഗീയ ആശയങ്ങളാൽ ഭാരതത്തിന്റെ ഐക്യത്തെ ഇല്ലാതാക്കാൻ ആർഎസ്എസ്, സംഘപരിവാർ നേതൃത്വത്തിൽ നടക്കുന്ന ഫാസ്സിസ്റ്റ് ശ്രമങ്ങളെ തകർക്കാൻ യൂത്ത് ഫോർ യൂണിറ്റി എന്ന മുദ്രാവാക്യമുയർത്തിയാണ് സംസ്ഥാന ശില്പശാല സംഘടിപ്പിക്കുന്നത്.
