പത്തനംതിട്ട : ഐക്യ കർഷക സംഘം പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ പത്തനംതിട്ട ബി.എസ്.എൻ.എൽ ഓഫീസിലേക്ക് നടത്തിയ പ്രതിഷേധ മാര്ച്ചും ധർണ്ണയും ആർ.എസ്.പി ജില്ലാ സെക്രട്ടറി അഡ്വ.കെ എസ്.ശിവകുമാർ ഉത്ഘാടനം ചെയ്തു. കേന്ദ്ര സര്ക്കാരിന്റെ കർഷക വിരുദ്ധ നയങ്ങൾക്കെതിരെയും പെട്രോളിയം ഉൽപ്പന്നങ്ങളുടെ വിലവർദ്ധനവ് തടയുക, രാസവള വില വർദ്ധനവ് നിയന്ത്രിക്കുക, ഇന്ത്യ – യു.എസ്. പ്രീ ട്രേഡ് എഗ്രിമെന്റിൽ നിന്നും പിൻമാറുക തുടങ്ങിയ ആവശ്യങ്ങൾ ഉന്നയിച്ചുകൊണ്ടായിരുന്നു സമരം.
ജില്ലാ പ്രസിഡന്റ് രവി പിള്ള അധ്യക്ഷത വഹിച്ചു. യു.റ്റി.യു.സി ദേശിയ സെക്രട്ടറി തോമസ് ജോസഫ്, ജില്ലാ സെക്രട്ടറി ജോൺസ് യോഹന്നാൻ, എന്.സോമരാജൻ, പൊടിമോൻ കെ.മാത്യു, ബാബു ചാക്കോ, ഷിബു തോമസ്, പെരിങ്ങര രാധാകൃഷ്ണൻ, ഈപ്പൻ മാത്യു, സുനിൽ സീതത്തോട്, പി.പി ജോൺ, ലിജോ അലക്സ്, ഷാഹിദ ഷാനവാസ്, സൗദാമിനി, ഷാജി തിരുവല്ല, ശശി മണിയാർ എന്നിവർ പ്രസംഗിച്ചു. ഷൈലജ പ്രദീപ്, മറിയം ബാബു, ഹുസൈൻ, സതീഷ്, ബിന്ദു വിദ്യാധരൻ എന്നിവർ മാർച്ചിന് നേതൃത്വം നല്കി.
