ന്യൂഡല്ഹി : തലസ്ഥാനനഗരിയില് വായുമലിനീകരണത്തിന്റെ തോത് വളരെ രൂക്ഷമെന്ന് വായു ഗുണനിലവാരസൂചിക. ഡല്ഹിയുടെ മൊത്തത്തിലുള്ള വായു ഗുണനിലവാരസൂചിക നില്ക്കുന്നത് 385-ലാണ്. വളരെ മോശമാണ് സ്ഥിതിയാണ് ഇത് അടയാളപ്പെടുത്തുന്നത്. ഡല്ഹിയുടെ തന്നെ ഭാഗമായ നോയിഡയില് സൂചിക 444 ആണ് രേഖപ്പെടുത്തുന്നത്.
ഗുരുതര സാഹചര്യമാണ് ഇവിടെയുള്ളതെന്നും സിസ്റ്റം ഓഫ് എയര് ക്വാളിറ്റി ആന്ഡ് വെതര് ഫോര്ക്കാസ്റ്റിങ് ആന്ഡ് റിസര്ച്ചിന്റെ (സഫര്) കണക്കുകള് സൂചിപ്പിക്കുന്നു. ഗുരുഗ്രാമില് നില 391-ല്ത്തന്നെ തുടരുകയാണ്. ഡല്ഹിയുടെ സമീപനഗരങ്ങളിലെ വായു മലിനീകരണം ദിനംപ്രതി രൂക്ഷമാവുകയാണ്. നോയിഡ അടക്കമുള്ള നഗരങ്ങളിലും സ്ഥിതി അടിക്കടി വഷളാവുകയാണെന്നും കണക്കുകള് സൂചിപ്പിക്കുന്നു.
വടക്കുപറിഞ്ഞാറന് നഗരമായ നരേലയിലാണ് വായു ഗുണനിലവാരസൂചിക ഏറ്റവും ഉയര്ന്നു നില്ക്കുന്നത്. ഇവിടെ 571 ലാണ് സൂചിക. അതീവഗുരുതര സാഹചര്യമാണിത്. വടക്കന് ഡല്ഹിയിലെ എല്ലാ നഗരങ്ങളിലും 400-നു മുകളിലാണ് സൂചികയെന്നത് ആശങ്കയുണ്ടാക്കുന്നുണ്ട്.
