പത്തനംതിട്ട : പെട്രോള്, ഡീസല് വിലവര്ധനവില് പ്രതിഷേധിച്ച് എ.ഐ.റ്റി.യൂ.സി പത്തനംതിട്ട മണ്ഡലം കമ്മറ്റിയുടെ നേതൃത്വത്തിൽ പത്തനംതിട്ട ഭാരത് പെട്രോൾ പമ്പിലേക്ക് മാർച്ച് നടത്തി. എ.ഐ.റ്റി.യൂ.സി സംസ്ഥാന കൗൺസിലംഗം സാബു കണ്ണങ്കര പ്രതിഷേധ മാര്ച്ച് ഉത്ഘാടനം ചെയ്തു.
എ.ഐ.റ്റി.യൂ.സിയുടെ നേതൃത്വത്തിൽ കേരളത്തിലെ 140 മണ്ഡലങ്ങളിലും നടന്ന മാർച്ചിന്റെ ഭാഗമായിട്ടായിരുന്നു പത്തനംതിട്ടയിലും മാര്ച്ച് സംഘടിപ്പിച്ചത്. ജില്ലാ കൗൺസിലംഗം രാജേഷ് ആനപ്പാറ അദ്ധ്യക്ഷത വഹിച്ചു. പത്തനംതിട്ട മുനിസിപ്പൽ സെക്രട്ടറി നജീബ് ഇളയനില, സഞ്ജു വലംഞ്ചുഴി , അഷറഫ്, അജയ് എന്നിവർ മാര്ച്ചിന് നേതൃത്വം നൽകി.
