പാലക്കാട് : കെ – റെയില് പദ്ധതിക്കെതിരായ സമരത്തിനിടെ എങ്ങനെയെങ്കിലും ഒരു വെടിവെപ്പ് ഉണ്ടാക്കുക എന്നതാണ് യുഡിഎഫ് ലക്ഷ്യമെന്ന് സിപിഎം നേതാവ് എ.കെ ബാലന്. ഏതെങ്കിലും ഒരു സ്ത്രീയെ അല്ലെങ്കില് ഒരു കുട്ടിയെ രക്തസാക്ഷിയായി കിട്ടുമോയെന്നാണ് യു ഡി എഫ് ആലോചിക്കുന്നത്. കൊല്ലാന് വേണ്ടി അവര് മണ്ണെണ്ണ ഒഴിക്കുകയാണെന്നും എ.കെ ബാലന് പറഞ്ഞു. യു ഡി എഫ് നടത്തുന്ന സമരത്തില് ഏറെയും ഇറക്കുമതി ചെയ്തയാളുകളാണ്. ഒരേ ആള്ക്കാര് തന്നെയാണ് പല സ്ഥലങ്ങളിലും എത്തുന്നത്. വിമോചന സമരത്തിന്റെ പഴയ സന്തതികള്ക്ക് പുതിയ ജീവന് വെച്ചുവെന്നാണ് പ്രതിപക്ഷം കരുതുന്നത്. ആടിനെ പട്ടി ആകുക, പിന്നെ പട്ടിയെ പേ പട്ടിയാക്കാനണ് യുഡിഎഫ് ശ്രമിക്കുന്നതെന്നും അദ്ദേഹം പറഞ്ഞു.
ദേശീയപാതക്കെതിരെ സമരം ചെയ്ത വയല്ക്കിളികള് ഇപ്പോള് എവിടെയാണ്. ആ സമരത്തിന് നേതൃത്വം കൊടുത്തവര് ഇന്ന് സിപിഎമ്മിനൊപ്പമാണ്. ഇതാണ് യുഡിഎഫിലും കാണാന് പോകുന്നത്. നാട്ടില് വികസനം പാടില്ലെന്നാണ് യുഡിഎഫ് ആഗ്രഹിക്കുന്നത്. അത് കേരളത്തില് നടക്കില്ല. പദ്ധതിയുമായി ബന്ധപ്പെട്ട് ജനങ്ങള്ക്ക് ആശങ്കയുണ്ടെങ്കില് അത് മാറ്റിയെടുത്ത് മാത്രമേ നടപ്പാക്കൂവെന്നും ബാലന് കൂട്ടിച്ചേര്ത്തു.
