ആലപ്പുഴ : അഖിലകേരള വിശ്വകർമ മഹാസഭ അമ്പലപ്പുഴ താലൂക്ക് യൂണിയന്റെ നേതൃത്വത്തിൽ വിദ്യാർഥികൾക്കായി ‘സുകൃതം-3’ എന്നപേരിൽ പ്രതിഭകളെ ആദരിക്കലും കലാമത്സരങ്ങളും സംഘടിപ്പിച്ചു. ആലപ്പുഴ ജെൻഡർ പാർക്കിൽ നടന്ന മെറിറ്റ് ഈവനിങ് സമ്മേളനം സംസ്ഥാന ബാലാവകാശ കമ്മിഷൻ അംഗം അഡ്വ. ജലജാ ചന്ദ്രൻ ഉദ്ഘാടനം ചെയ്തു. യൂണിയൻ പ്രസിഡന്റ് വി.പി. ആചാരി അധ്യക്ഷത വഹിച്ചു. ശിശുക്ഷേമസമിതി സെക്രട്ടറി കെ.ഡി. ഉദയപ്പൻ, ഹെൽത്ത് ഫോർ ഓൾ ഫൗണ്ടേഷൻ ജനറൽ സെക്രട്ടറി കെ. നാസർ,
കെവിഎംഎസ് ജനറൽ സെക്രട്ടറി അജന്താ ജയപ്രകാശ്, ഭാരതീയ സ്കൗട്ട് ആൻഡ് ഗൈഡ്സ് കേരള സ്റ്റേറ്റ് ട്രെയിനിങ് കമ്മിഷണർ കെ. ശിവകുമാർ ജഗ്ഗു, എകെവിഎംഎസ് ജില്ലാ പ്രസിഡന്റ് പി.ആർ. ദേവരാജൻ, മുൻ ഡയറക്ടർ ബോർഡംഗം പി.കെ. പൊന്നപ്പൻ എന്നിവർ വിവിധ പുരസ്കാരങ്ങൾ വിതരണം ചെയ്തു. സംസ്ഥാന കൗൺസിൽ അംഗം എസ്. സുരേഷ്, ജില്ലാ സെക്രട്ടറി എം. രാജേഷ് ബാബു, എം.പി. സുനിൽ ദത്ത്, ഗുരുദയാൽ, ഇന്ദു വിജയൻ, സുശീലാ മോഹൻ, കെ. രാമചന്ദ്രൻ ഗീതം, കെ.എസ്. വിജയൻ, ബി. തങ്കപ്പൻ, ശോഭാ ശശിധരൻ തുടങ്ങിയവർ സംസാരിച്ചു.
