റാന്നി : വിശ്വകർമ സമുദായത്തിന് നീതിയും അവസരസമത്വവും നിഷേധിക്കുന്ന രാഷ്ട്രീയ പ്രസ്ഥാനങ്ങൾക്കെതിരേ വിട്ടുവീഴ്ച ഇല്ലാത്ത നിലപാട് സ്വീകരിക്കുമെന്ന് അഖില കേരള വിശ്വകർമ മഹാസഭ സംസ്ഥാന ജനറൽ സെക്രട്ടറി ബിജു പുളിക്കനെല്ലൂർ പറഞ്ഞു. സാമ്പത്തികമായി ബുദ്ധിമുട്ടുന്നവർക്ക് ആശ്വാസവുമായി വിശ്വകർമ മഹാസഭ റാന്നി യൂണിയൻ തുടങ്ങിയ വിശ്വകർമ ഡിവലപ്മെന്റ് ആൻഡ് ചാരിറ്റബിൾ ട്രസ്റ്റ് വാർഷിക സമ്മേളനവും വായ്പാ വിതരണവും ഉദ്ഘാടനം ചെയ്യുകയായിരുന്നു അദ്ദേഹം. ട്രസ്റ്റ് ചെയർമാൻ വി. ശാന്തശിവൻ അധ്യക്ഷത വഹിച്ചു.
യൂണിയൻ പ്രസിഡന്റ് ടി.കെ. രാജപ്പൻ, യൂണിയൻ സെക്രട്ടറി പി.എസ്. മധുകുമാർ, സംസ്ഥാന കൗൺസിൽ അംഗം കെ.ആർ. ഗോപിനാഥൻ, മഹാസഭ ഡയറക്ടർ ബോർഡ് അംഗങ്ങളായ കെ.ജി. ദിനമണി, കെ.എൻ. വിജയൻ, എം.എൻ. പൊന്നപ്പൻ ആചാരി, ട്രസ്റ്റ് സെക്രട്ടറി വി.ജി. മോഹനൻ കാട്ടൂർ, കെ.ടി സോമൻ, പി.എൻ. ശശിധരൻ, ബിജു തൊണ്ടിമാങ്കൽ തുടങ്ങിയവർ പ്രസംഗിച്ചു.
