കോന്നി : മെഡിക്കൽ കോളജിലെ കിടപ്പു രോഗികൾക്കും കൂട്ടിരിപ്പുകാർക്കുമുള്ള സൗജന്യ ഭക്ഷണ വിതരണത്തിനായി അക്ഷയ പാത്രം എന്ന പേരിൽ പദ്ധതി നടപ്പാക്കുവാൻ കോൺഗ്രസ് സേവാദൾ ജില്ലാ നേതൃത്വ യോഗം തീരുമാനിച്ചു.
സേവാദൾ വോളണ്ടിയർമ്മാർക്കുള്ള ദ്വിദിന പരിശീന ക്യാമ്പ് ഡിസംബർ അവസാനവാരം സംഘടിപ്പിക്കുവാനും യോഗം തീരുമാനിച്ചു.
പത്തനംതിട്ട രാജീവ് ഭവനിൽ ചേർന്ന യോഗം ഡി.സി.സി പ്രസിഡന്റ് പ്രഫ.സതീഷ് കൊച്ചു പറമ്പിൽ ഉദ്ഘാടനം ചെയ്തു. ജില്ലാ ചെയർമാൻ ശ്യാം. എസ്. കോന്നി അദ്ധ്യക്ഷത വഹിച്ചു. ഡി.സി.സി ജനറൽ സെക്രട്ടറി സാമുവൽ കിഴക്കുപുറം, സേവാ ദൾ ജില്ലാ, ബ്ലോക്ക് ഭാരവാഹികളായ ജോർജ്ജ് വർഗീസ്, ആക്കനാട്ട് രാജീവ് കൊച്ചുമോൾ , ഷിനിജാ തങ്കപ്പൻ, അൻസാരി പത്തനംതിട്ട, ഷിജുമോൻ, ജയദേവൻ, തോമസ് തകിടിയിൽ, മാത്യു എം.എം, സച്ചിൽ കൃഷ്ണ, പ്രദീപ് എന്നിവർ പ്രസംഗിച്ചു.
