റാന്നി: വന്ദേമാതരം പറഞ്ഞ് അധികാരത്തിലെത്തിയവർ വന്ദേ അദാനി പറയുന്നതാണ് ഇന്ത്യാ മഹാരാജ്യത്തിന്റെ ഇപ്പോഴത്തെ പ്രശ്നമെന്ന് അഡ്വ: പ്രമോദ് നാരായൺ എം.എല്.എ പറഞ്ഞു. പെരുനാട് ഇടത്താവളത്തിൽ ഇലക്ട്രിസിറ്റി തൊഴിലാളികളും ഓഫീസർന്മാരും സംഘടിപ്പിച്ച ജനസഭ ഉദ്ഘാടനം ചെയ്തു സംസാരിക്കുകയായിരുന്നു അദേഹം.
പൊതു ജനത്തിന്റെ നികുതി പണം ഉപയോഗിച്ച് നിർമ്മിച്ച വൈദ്യുതി മേഖല ഒന്നാകെ സ്വകാര്യവത്ക്കരിക്കാനുള്ള കേന്ദ്ര ഗവണ്മെന്റിന്റെ തീരുമാനത്തിനെതിരെ ജനകീയ പ്രതിരോധം ഉയരണം. കേരള ഇലക്ട്രിസിറ്റി വർക്കേഴ്സ് ഫെഡറേഷൻ ജില്ലാ സെക്രട്ടറി ടി.ജെ. ബാബുരാജ് അദ്ധ്യഷത വഹിച്ചു.
ഓഫീസേഴ്സ് ജില്ലാ സെക്രട്ടറി ജി ബൈജു , ബ്ലോക്ക് പഞ്ചായത്ത് പ്രസിഡന്റ് കെ എസ്സ് ഗോപി , പെരുനാട് പഞ്ചായത്ത് പ്രസിഡന്റ് പി എസ്സ് മോഹനൻ , വൈസ് പ്രസിഡന്റ് ഡി ശ്രീകല, പി റ്റി രാജു, റ്റി .റ്റി. ജോയി, എം സി രാമചന്ദ്രൻ ,എം.എസ് ശ്യാം, എസ്സ്. പ്രകാശ്, ബി. ജയകൃഷ്ണൻ എന്നിവര് പ്രസംഗിച്ചു.
