കുട്ടനാട്: കുട്ടനാട്ടിലെ മീനപ്പള്ളി ഷാപ്പില് കുട്ടികള്ക്കൊപ്പം കുടുംബം എത്തി കള്ളുകുടിച്ച കേസില് ഷാപ്പ് ഉടമ ചന്ദ്രബോസിനെ കുട്ടനാട് റെയിഞ്ച് സബ് ഇന്സ്പെക്ടര് അറസ്റ്റ് ചെയ്തു. കുട്ടികള്ക്ക് ഷാപ്പില് മദ്യം നല്കിയതിന്റെ വീഡിയോ സഹിതം പുറത്തുവന്ന സാഹചര്യത്തിലാണ് നടപടി. ഷാപ്പിന്റെ മാനേജരെയും എക്സൈസ് അറസ്റ്റ് ചെയ്തിരുന്നു. ഇതോടെ ഈ കേസില് അറസ്റ്റിലാകുന്നവരുടെ എണ്ണം രണ്ടായി. എക്സൈസിനെ കൂടാതെ ബാലാവകാശ കമ്മിഷനും കേസെടുത്തിട്ടുണ്ട്.
22നാണു വിനോദ സഞ്ചാരികളുടെ സംഘം ഹൗസ്ബോട്ടില് ഷാപ്പിലെത്തിയത്. ഭക്ഷണത്തിനു ശേഷമായിരുന്നു മദ്യപാനം. വീഡിയോ എടുത്ത് പ്രചരിപ്പിച്ച ആള് ക്കെതിരെ കേസെടുത്തിട്ടുണ്ട്. ഇയാളെ കണ്ടുപിടിക്കുന്നതിന് സൈബര് സെല്ലിന്റെ സഹായത്തോടെ അന്വേഷണം പുരോഗമിക്കുകയാണ്.
