ആലപ്പുഴ : അമ്പലപ്പുഴയിലെ തെരഞ്ഞെടുപ്പ് പ്രവര്ത്തന വീഴ്ചയില് സി.പി.എം അന്വേഷണ കമ്മീഷന്റെ തെളിവെടുപ്പ് രണ്ടാം ദിവസവും തുടരുന്നു. എ.എം ആരിഫ് എംപി കമ്മീഷന് മുന്നിലെത്തി വിവരങ്ങള് കൈമാറി. പ്രാദേശിക നേതാക്കളില് നിന്നുള്ള വിവരങ്ങളാണ് ഇന്ന് പ്രധാനമായും തേടുന്നത്. ഏരിയാ, ലോക്കല് കമ്മിറ്റി നേതാക്കളുമായുള്ള ആശയവിനിമയം പുരോഗമിക്കുകയാണ്.
നിയോജക മണ്ഡലം തെരഞ്ഞെടുപ്പ് കമ്മിറ്റിയുടെ മിനിറ്റ്സിലെ വിവരങ്ങള് കമ്മീഷന് ശേഖരിച്ചു. ആരോപണ വിധേയനായ ജി സുധാകരനും പരാതിക്കാരനായ അമ്പലപ്പുഴ എം.എല്.എ എച്ച് സലാമും ഇന്നലെ പാര്ട്ടി കമ്മീഷന് മുന്നില് ഹാജരായിരുന്നു. ആലപ്പുഴ ജില്ലാ സെക്രട്ടറിയേറ്റ് യോഗത്തിലും കമ്മീഷന് അംഗങ്ങളായ എളമരം കരീമും കെ.തോമസും പങ്കെടുക്കും. അന്വേഷണ കമ്മീഷന് നല്കുന്ന റിപ്പോര്ട്ടിന്റെ അടിസ്ഥാനത്തിലാകും ജി.സുധാകരനതിരെ നടപടി വേണമോയെന്ന കാര്യത്തില് പാര്ട്ടി തീരുമാനമെടുക്കുക.