ബത്തേരി : വയനാട് പനമരം അഞ്ച്കുന്നില്‍ അജ്ഞാത മൃതദേഹം കണ്ടെത്തി. സ്വകാര്യ വ്യക്തിയുടെ തോട്ടത്തില്‍ നിന്നാണ് അഴുകിയ നിലയില്‍ പുരുഷന്‍റെ മൃതദേഹം കണ്ടെത്തിയത്. വാറുമ്മന്‍കടവ് റോഡരികില്‍ ജനവാസമില്ലാത്ത മേഖലയിലാണ് മൃതദേഹം കണ്ടെത്തിയത്.
മരത്തില്‍ തൂങ്ങി മരിച്ചതാണെന്നാണ് പ്രാഥമിക നിഗമനം. സമീപത്ത് നിന്ന് വാച്ചും വസ്ത്രവും കണ്ടെടുത്തിട്ടുണ്ട്. പനമരം പോലീസും ഫൊറന്‍സിക് വിദഗ്ദ്ധരും സ്ഥലത്തെത്തി പരിശോധന നടത്തി. ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം പോസ്റ്റ്മോര്‍ട്ടത്തിനയച്ചു.
