ആലപ്പുഴ : തുറവൂർ കോടംതുരുത്തിൽ യുവതിയും 10 വയസ്സുള്ള മകനും വീടിനുള്ളിൽ തൂങ്ങി മരിച്ച നിലയിൽ. നികർത്തിൽ വിനോദിന്റെ ഭാര്യ രജിത (32), മകൻ വൈഷ്ണവ് (10) എന്നിവരാണ് കിടപ്പുമുറിയിൽ മരിച്ച നിലയിൽ കാണപ്പെട്ടത്. രജിത 3 മാസം ഗർഭിണിയാണ്. വൈഷ്ണവ് കട്ടിലിന്റെ കാലിലും രജിത ഫാനിലും തൂങ്ങിയ നിലയിലാണ്.
വിനോദ് കായംകുളത്ത് കെട്ടിട നിർമാണ ജോലിക്കായി പോയിട്ട് ഒരാഴ്ചയായി. വീട്ടിൽ രജിതയും മകനും വിനോദിന്റെ അച്ഛനും അമ്മയും മാത്രമാണുള്ളത്. ഇന്നു രാവിലെ 7നു കിടപ്പുമുറിയുടെ വാതിൽ തുറക്കാതിരുന്നതോടെ ഭർത്താവിന്റെ അമ്മയും അച്ഛനും ചേർന്ന് വാതിൽ ചവിട്ടി പൊളിച്ചാണ് അകത്തു കയറിയത്. രജിത ഓണച്ചിട്ടി നടത്തുന്നുണ്ടായിരുന്നു. സാമ്പത്തിക ബുദ്ധിമുട്ടാണ് മരണത്തിനു പിന്നിലെന്നാണ് പോലീസിന്റെ പ്രാഥമിക നിഗമനം.