ആലപ്പുഴ : ആലപ്പുഴയില് നിന്നും കാണാതായ സഹോദരങ്ങളായ കുട്ടികളില് ഒരാള് വീട്ടില് തിരിച്ചെത്തി. 13 വയസുള്ള സഹോദരനാണു തിരികെയെത്തിയത്. ഇവര്ക്കായി സംസ്ഥാനമാകെ പോലീസിന്റെ നേതൃത്വത്തില് അന്വേഷണം പുരോഗമിക്കുന്നതിനിടെയാണു വിദ്യാര്ഥി തിരിച്ചെത്തിയത്. 15 വയസുള്ള സഹോദരിയെയാണ് ഇനി കണ്ടെത്താനുള്ളത്. സഹോദരിയെ കുറിച്ച് ഇന്നലെ വൈകുന്നേരം മുതല് വിവരമില്ലെന്നാണ് സഹോദരന് നല്കിയ മൊഴി. സഹോദരി തമ്പാനൂര് റെയില്വെ സ്റ്റേഷനില് നില്ക്കുന്ന ദൃശ്യങ്ങള് വെച്ചാണ് പോലീസ് അന്വേഷണം പുരോഗമിക്കുന്നത്.
