റൂർക്കല: ഓൾ ഇന്ത്യ മലയാളി അസോസിയേഷൻ (എഐഎംഎ) ഒഡീഷ റൂർക്കല വിംഗ് ഓണാഘോഷ പരിപാടികള് സുന്ദർഗഡ് അസിസ്റ്റന്റ് കളക്ടർ ഫാബി റഷീദ് ഐ.എ.എസ് ഉദ്ഘാടനം ചെയ്തു. എൻജിസി അംഗം ആർ. അംബുജാക്ഷൻ നായര് അധ്യക്ഷത വഹിച്ചു. റൂർക്കല എംജിഎം സ്കൂൾ പ്രിൻസിപ്പൽ ഫാ.ഡോ.ജോർജ് സി.വർഗീസ്, സെയിൽ-ആർഎസ്പി സിജിഎം (എംഎം) ടി. വിനോദ്, അഖില ഭാരത അയ്യപ്പ സേവാ സമിതി ചെയർമാൻ പി. രാമചന്ദ്രൻ മേനോൻ എന്നിവര് പങ്കെടുത്തു. എഐഎംഎ ഒഡീഷ ജോയിന്റ് സെക്രട്ടറി കെ. വി. ജെയിംസ് സ്വാഗതവും വൈസ് പ്രസിഡന്റ് ബിജേഷ് നായർ നന്ദിയും പറഞ്ഞു.
സാംസ്കാരിക സെഷനിൽ നാടൻ പാട്ടുകൾ, തിരുവാതിര, ക്ലാസിക്കൽ നൃത്തങ്ങൾ തുടങ്ങിയ പരമ്പരാഗത കേരള കലാരൂപങ്ങൾ കാണികളെ ആകർഷിക്കുകയും കേരളത്തിന്റെ പൈതൃകത്തെ പ്രതിഫലിപ്പിക്കുകയും ചെയ്തു. ലൈഫ് അംഗം പി.എം. വേണുഗോപാൽ രൂപകൽപ്പന ചെയ്ത പൂക്കളം പ്രത്യേക ആകർഷണമായിരുന്നു. എക്സിക്യൂട്ടീവ് കമ്മിറ്റി അംഗങ്ങളായ അനിൽ കുമാർ, രാജീവ് ഗോപിനാഥൻ, പ്രദീപ് മേനോൻ, സൗമിത്ത്, വനിതാ വിഭാഗം ജില്ലാ കോർഡിനേറ്റർ ഗ്രേസി ഡേവിഡ് പരിപാടികള്ക്ക് നേത്രുത്വം നല്കി. അഞ്ഞൂറോളം മലയാളികൾ പരമ്പരാഗതമായ ഓണസദ്യയില് പങ്കെടുത്തു.
