റാന്നി : ഓൾ കേരള ഷട്ടിൽ ബാഡ്മിന്റൻ ഡബിൾസ് ടൂർണ്ണമെന്റ് റാന്നി ജന്യുവിൻ ബാഡ്മിന്റൺ അക്കാഡമിയിൽ ആരംഭിച്ചു. ടൂർണ്ണമെന്റ് മുൻ എം.എൽ.എ. രാജു ഏബ്രഹാം ഉദ്ഘാടനം ചെയ്തു. ഡയറക്ടർ പി.സി.റോയി അധ്യക്ഷത വഹിച്ചു. പ്രഫഷണൽ കോൺഗസ് മുൻ ജില്ലാ പ്രസിഡന്റ് റെജി താഴമൺ, മനോജ് മാത്യു, കുറിയാക്കോസ് തോമസ്, ജേക്കബ് ജോർജ് , അലക്സ് കൃര്യൻ , പി.എച്ച്.റഷീദ് എന്നിവർ പ്രസംഗിച്ചു. ഈ മാസം മുതൽ 27 വരെ നാല് കാറ്റഗറികളിലായി സി ലെവൽ ഷട്ടിൽ ബാഡ്മിന്റൺ ഡബിൾസ് ടൂർണമെന്റ് നടക്കുന്നത്.
മത്സര വിജയികൾക്ക് എവറോളിംഗ് ട്രോഫികൾക്ക് പുറമേ ഒരു ലക്ഷം രൂപയുടെ പ്രൈസ് മണിയും വ്യക്തിഗത ട്രോഫികളും ലഭിക്കും. എല്ലാ കാറ്റഗറിയിലെയും ബെസ്റ്റ് പ്ലയറിനും പ്രോമിസിംഗ് പ്ലയറിനും പുരസ്കാരങ്ങൾ ലഭിക്കുമെന്ന് സംഘാടകർ അറിയിച്ചു. വിജയികൾക്ക് ഓരോ കാറ്റഗറിയിലും പ്രൈസ് മണിയും ട്രോഫിയും ഉണ്ടായിരിക്കും. ഒന്നാം സമ്മാനം 5000 രൂപയും ട്രോഫിയും രണ്ടാം സമ്മാനം 3000 രൂപയും ആയിരിക്കും. 27 ന് സമാപന ദിവസം വിജയികൾക്ക് പ്രമോദ് നാരായണൻ എം.എൽ.എ ട്രോഫികൾ വിതരണം ചെയ്യും.
