റാന്നി : അഖില മലങ്കര പ്രാർത്ഥനയോഗവും നിലയ്ക്കൽ ഭദ്രാസന നേതൃത്വ യോഗവും കേന്ദ്ര ഭാരവാഹികളുടെ സന്ദർശനവും റാന്നി സെന്റ് തോമസ് അരമനയിൽ നടന്നു. നിലയ്ക്കൽ ഭദ്രാസനത്തിലെ സീനിയർ വൈദികൻ തെങ്ങുംതോട്ടത്തിൽ വന്ദ്യ ഫീലിപ്പോസ് തരകൻ കോർ എപ്പിസ്കോപ്പയുടെ ദേഹവിയോഗത്തിൽ ജോർജ്ജ് ജോസഫ് അറയ്ക്കമണ്ണിൽ അനുശോചന പ്രമേയം അവതരിപ്പിച്ചു. ഇടവക മെത്രാപ്പോലീത്താ ഡോ.ജോഷ്വാ മാർ നീക്കോദിമോസിന്റെ അദ്ധ്യക്ഷതയിൽ ചേര്ന്ന നേതൃത്വ യോഗം കേന്ദ്ര പ്രസിഡന്റ് മാത്യൂസ് മാർ തേവോദോസിയോസ് ഉദ്ഘാടനം ചെയ്തു. റവ.ഫാ.മത്തായി കുന്നിൽ, ഐസക്ക് തോമസ് എന്നിവർ ആശംസ പ്രസംഗം നടത്തി.
ഭദ്രാസനത്തിലെ സഭ മാനേജിംഗ് കമ്മറ്റി അംഗങ്ങളും ഭദ്രാസന കൗണ്സില് അംഗങ്ങളും വൈദികരും ചടങ്ങുകളില് പങ്കെടുത്തു. നിലയ്ക്കൽ ഭദ്രാസനത്തിലെ 29 പള്ളികളിലെ 82 യുണിറ്റുകളിലെ സെക്രട്ടറിമാർ പങ്കെടുത്ത സംഘടന പ്രവർത്തന അവലോകനത്തിൽ പ്രാർത്ഥനയോഗ കേന്ദ്ര സെക്രട്ടറി റവ.ഫാ.മത്തായി കുന്നിൽ മുഖ്യപ്രഭാഷണം നടത്തുകയും മാർഗ്ഗ നിര്ദേശം നല്കുകയും ചെയ്തു. സെക്രട്ടറി ഐസക്ക് തോമസ് കേന്ദ്ര പദ്ധതികളെക്കുറിച്ച് വിശദീകരിച്ചു. ഭദ്രാസന വൈസ് പ്രസിഡന്റ് ഫാ.ഐവാൻ ജോസഫ്, സെക്രട്ടറി ഷാജി മഠത്തിലേത്ത് ഡി., സെക്രട്ടറിമാരായ ലിജോ വര്ഗീസ്, ജോസ് മലയാറ്റ്, മാത്യൂ സഖറിയ, മാത്യൂ തോമസ്, റോയി സൈമൺ എന്നിവർ നേതൃത്വം നൽകി.
