കോട്ടയം: അമല്ജ്യോതി എന്ജിനീയറിങ് കോളേജിലെ വിദ്യാര്ത്ഥി സമരത്തിനെതിരെ കാഞ്ഞിരപ്പള്ളി രൂപത. കോളേജില് നടന്ന സമരം ചില തല്പ്പരകക്ഷികള് ആസൂത്രണം ചെയ്തു നടപ്പാക്കുന്നത് വികാരി ജനറല് ബോബി അലക്സ് മണ്ണംപ്ലാക്കല് പറഞ്ഞു. ബഹളങ്ങള് ഉണ്ടാക്കുകയും നശിപ്പിക്കുകയും ചെയ്യുന്നത് കൃത്യമായ അജണ്ടയുടെ അടിസ്ഥാനത്തിലാണെന്നും ബോബി അലക്സ് ആരോപിച്ചു. ക്രിസ്ത്യന് സ്ഥാപനങ്ങള് തിരഞ്ഞുപിടിച്ച് ആക്രമിക്കാന് ശ്രമം നടക്കുന്നുണ്ട്. ശ്രദ്ധ സതീഷിന് ചികിത്സ ലഭിച്ചില്ല എന്ന ആരോപണങ്ങള് അടിസ്ഥാനരഹിതമാണെന്നും അദ്ദേഹം പറഞ്ഞു.
അതേസമയം ശ്രദ്ധയെ മാനസികമായി പീഡിപ്പിച്ച ഹോസ്റ്റല് വാര്ഡനും ഫുഡ് ടെക്നോളജി ഡിപ്പാര്ട്മെന്റ് മേധാവിക്കുമെതിരെ നടപടിയെടുത്ത് ചുമതലകളില് നിന്ന് മാറ്റി നിര്ത്തണമെന്നാണ് വിദ്യാര്ത്ഥികളുടെ ആവശ്യം. പോലീസ് നടപടി വൈകുന്നതിലും വിദ്യാര്ത്ഥികള്ക്ക് അമര്ഷമുണ്ട്.