തിരുവനന്തപുരം : ആറ്റിങ്ങലില് രോഗിയുമായി വന്ന ആംബുലന്സ് സമരാനുകൂലികള് തടഞ്ഞു. കല്ലമ്പലത്ത് നിന്നും രോഗിയുമായി മെഡിക്കല് കോളജില് പോയി മടങ്ങുമ്പോഴാണ് സമരാനുകൂലികള് വാഹനം തടഞ്ഞത്. ആംബുലന്സ് ഡ്രൈവര് ആറ്റിങ്ങല് പോലീസില് പരാതി നല്കിയതിന്റെ അടിസ്ഥാനത്തില് പോലീസ് കേസെടുത്തു. എന്നാല് ഇന്ന് വൈകീട്ട് വെമ്പായത്ത് കെഎസ്ആര്ടിസി ബസ് പണിമുടക്ക് അനുകൂലികള് തടഞ്ഞിരുന്നു. തിരുവനന്തപുരത്ത് സമരാനുകൂലികള് വാഹനങ്ങള് വഴിതടയുകയും ജോലിച്ചെയ്യുന്നത് തടസപ്പെടുത്തുകയും ചെയ്യുന്നുണ്ട്. പാപ്പനംകോട് കെഎസ്ആര്ടിസി കണ്ടക്ടര്ക്കും ഡ്രൈവര്ക്കും മര്ദനമേറ്റു.
