പത്തനംതിട്ട : പെട്രോളിയം ഉത്പന്നങ്ങളുടെ വില നിരന്തരമായി വർദ്ധിപ്പിച്ച് ജനങ്ങളെ ദ്രോഹിക്കുന്ന നരേന്ദ്ര മോദി സർക്കാരിന്റെ നടപടിയിൽ പ്രതിഷേധിച്ച് കോൺഗ്രസ് രാജ്യവ്യാപകമായി സംഘടിപ്പിക്കുന്ന പ്രക്ഷോഭ പരിപാടിയുടെ ഭാഗമായി ജില്ലയിലെ കോൺഗ്രസ് ബൂത്ത് കമ്മിറ്റികളുടെ നേതൃത്വത്തിൽ വ്യാഴാഴ്ച (31) പൊതുസ്ഥലങ്ങളിലും വീടുകൾക്ക് മുമ്പിലും പാചക വാതക സിലിണ്ടറുകളും ഇരുചക്ര വാഹനങ്ങളും നിരത്തി മാലയിട്ട് പ്രതിഷേധിക്കുമെന്ന് ഡിസിസി പ്രസിഡന്റ് പ്രൊഫ. സതീഷ് കൊച്ചുപറമ്പിൽ അറിയിച്ചു.
രാവിലെ 11ന് നടത്തുന്ന പ്രതിഷേധ പരിപാടിയിൽ കോൺഗ്രസ് പ്രവർത്തകരോടൊപ്പം വീട്ടമ്മമാരും സമൂഹത്തിന്റെ വിവിധ തുറകളിലുള്ളവരും പങ്കെടുക്കുമെന്നും ഡിസിസി പ്രസിഡന്റ് അറിയിച്ചു. ആശ്രിതരായ പൊട്രോളിയം കമ്പിനി ഉടമകളെ സഹായിക്കുവാൻ പ്രധാനമന്ത്രിയും കേന്ദ്ര സർക്കാരും നടത്തുന്ന നീക്കങ്ങൾക്കെതിരായ ജനങ്ങളുടെ താക്കീതായി പ്രതിഷേധം മാറുമെന്നും അദ്ദേഹം പറഞ്ഞു.
