കാനഡ : അമേരിക്കയിലേക്ക് കടക്കാന് ശ്രമിക്കവേ കാനഡയില് മരിച്ച ഇന്ത്യന് കുടുംബത്തെ തിരിച്ചറിഞ്ഞു. ഗാന്ധിനഗറിലെ ദിന്ഗുച്ച ഗ്രാമത്തിലെ ജഗദീഷ് പട്ടേലും കുടുംബവുമാണ് കൊടുംതണുപ്പില് മരിച്ചത്. മൈനസ് 35 ഡിഗ്രി താപനിലയുള്ളിടത്താണ് മൃതദേഹങ്ങള് കണ്ടെത്തിയത്. കാനഡയില് നിന്ന് യുഎസിലേക്ക് അനധികൃതമായി കടക്കാന് ശ്രമിക്കുന്നതിനിടെ മണിക്കൂറുകളോളം കൊടും തണുപ്പില് കുടുങ്ങിയതാണ് മരണകാരണം. ആദ്യം മൂന്ന് മൃതദേഹങ്ങളാണ് കണ്ടെത്തിയത്. പിന്നീട് നടത്തിയ തിരച്ചിലില് കൗമാരക്കാരന്റെ മൃതദേഹം കണ്ടെത്തി. ഇവരെ അനധികൃതമായി കടത്താന് ശ്രമിച്ചതിന് ഒരാളെ പോലീസ് അറസ്റ്റ് ചെയ്തിരുന്നു. സ്റ്റീവ് ഷാന്ഡ് എന്ന യുഎസ് പൗരനെയാണ് അറസ്റ്റ് ചെയ്തത്.
