മുംബൈ: മുതിര്ന്ന ബോളിവുഡ് താരം അമിതാഭ് ബച്ചന്റെയും റിലയന്സ് ഉടമയായ മുകേഷ് അംബാനിയുടെയും ബംഗ്ലാവുകള്ക്ക് ബോംബ് ഭീഷണി. നാഗ്പൂര് പോലീസ് കണ്ട്രോളിലേയ്ക്കാണ് ഭീഷണി സന്ദേശം എത്തിയത്. ഇവര്ക്ക് പുറമെ, ധര്മ്മേന്ദ്രയുടെ വസതിയ്ക്ക് നേരെയും ബോംബ് ഭീഷണി ലഭിച്ചിട്ടുണ്ട്. ഭീഷണി സന്ദേശം ലഭിച്ചതിന് പിന്നാലെ നാഗ്പൂര് പോലീസ് മുംബൈ പോലീസിനെ വിവരം അറിയിച്ചു. ഭീഷണി സന്ദേശം അയച്ച വ്യക്തിയെ കണ്ടെത്താനായുള്ള ശ്രമം തുടരുകയാണ്.
ഭീഷണി സന്ദേശം വ്യാജമാണോയെന്ന കാര്യത്തില് പോലീസിന് ഇതുവരെ വ്യക്തത വരുത്താനായിട്ടില്ല. മുംബൈയില് അമിതാഭ് ബച്ചന് അഞ്ച് ആഢംബര ബംഗ്ലാവുകളുണ്ട്. ഇവയില് പ്രതീക്ഷ എന്ന പേരിലുള്ള ബംഗ്ലാവാണ് അമിതാഭ് ബച്ചന് ആദ്യം സ്വന്തമാക്കിയത്. അമിതാഭ് ബച്ചന്റെ മാതാപിതാക്കളും ഇവിടെയാണ് താമസിച്ചിരുന്നത്. നിലവില് ജല്സ എന്ന ബംഗ്ലാവിലാണ് അമിതാഭ് ബച്ചന്റെ മുഴുവന് കുടുംബവും താമസിക്കുന്നത്. അന്റീലിയയിലാണ് അംബാനിയുടെ ആഢംബര ബംഗ്ലാവുള്ളത്.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
