കൊല്ക്കത്ത: കേന്ദ്ര ആഭ്യന്തര മന്ത്രി അമിത് ഷാ ഇന്ന് ബംഗാളില് എത്തും. രാവിലെ രാമകൃഷ്ണ മിഷന് സന്ദര്ശിച്ചതിന് ശേഷം ഉച്ചകഴിഞ്ഞ് രണ്ടിന് മിഡ്നാപ്പൂരില് അമിത് ഷാ റാലി നടത്തും. നേരത്തെ ബിജെപി ദേശീയ അധ്യക്ഷന് ജെ.പി. നദ്ദയുടെ വാഹനവ്യൂഹത്തിന് നേരെ കല്ലേറുണ്ടായ സാഹചര്യത്തില് കേന്ദ്രസേനയെ സുരക്ഷയ്ക്കായി വിന്യസിക്കും.
അമിത് ഷായുടെ ബംഗാള് സന്ദര്ശനത്തിന്റെ ഭാഗമായി സുരക്ഷ വിലയിരുത്താന് ഇന്നലെ കേന്ദ്ര ആഭ്യന്തര സെക്രട്ടറി ബംഗാള് ചീഫ് സെക്രട്ടറി, ഡിജിപി എന്നിവരുമായി വീഡിയോ കോണ്ഫറന്സിംഗ് വഴി സംസാരിച്ചിരുന്നു. ചര്ച്ചക്കായി ഉദ്യോഗസ്ഥര് നേരിട്ടെത്തണമെന്ന ആഭ്യന്തര മന്ത്രാലയത്തിന്റെ നിര്ദേശം സര്ക്കാര് തള്ളിയിരുന്നു. തൃണമൂല് കോണ്ഗ്രസില് നിന്നും രാജിവച്ച നേതാക്കള് ഇന്ന് ബിജെപിയില് ചേരുമെന്നും സൂചനയുണ്ട്.