ജമ്മുകശ്മീർ : ജമ്മുകശ്മീരിലെ സുരക്ഷാ നടപടികള് വിലയിരുത്താന് ആഭ്യന്തര മന്ത്രി അമിത്ഷാ ഈ മാസം 23 മുതല് 25 വരെ ജമ്മുകശ്മീരില് സന്ദര്ശനം നടത്തും. സുരക്ഷാ വിലയിരുത്തല് യോഗങ്ങളില് പങ്കെടുക്കുന്ന അമിത്ഷാ വിവിധ സര്ക്കാര് ക്ഷേമ പദ്ധതികളുടെ ഉദ്ഘാടനവും നിര്വഹിക്കും.
പിടികിട്ടാപ്പുള്ളികളായ ഭീകരരെ പിടികൂടാനുള്ള നടപടികള് ശക്തമാക്കിയിരിക്കുകയാണ് സംയുക്ത സേന. ഇതിന്റെ ഭാഗമായി ജമ്മുകശ്മീരില് വ്യാപകമായി റെയ്ഡ് നടത്തും. ഭീകരവാദ അനുകൂല നിലപാട് സ്വീകരിക്കുന്ന സര്ക്കാര് ഉദ്യോഗസ്ഥരെ പിരിച്ചുവിടുന്നതിനൊപ്പം ദേശ വിരുദ്ധ കുറ്റകൃത്യ നിയന്ത്രണ നിയമമനുസരിച്ച് കേസെടുക്കും. ഭീകരവാദ അനുകൂല നിലപാട് സ്വീകരിക്കുന്ന ഉദ്യോഗസ്ഥരുടെ സ്വത്തുക്കള് കണ്ടുകെട്ടും.