കോന്നി : ത്യാഗത്തിന്റെയും സ്നേഹത്തിന്റെയും പ്രതീകമായ അമ്പത് നോമ്പിനോട് അനുബന്ധിച്ച് ഏഷ്യയിലെ ഏറ്റവും വലിയ മതേതര ജീവകാരുണ്യ കൂട്ടുകുടുംബമായ പത്തനാപുരം ഗാന്ധിഭവനില് എല്ലാവര്ഷവും നടത്തിവരുന്ന പ്രാര്ത്ഥനാസംഗമം ഗത്സെമനി ഗാന്ധിഭവന് ശാഖയായ പത്തനംതിട്ട കോന്നി എലിയറയ്ക്കലില് പ്രവര്ത്തിച്ചുവരുന്ന ഗാന്ധിഭവന് ദേവലോകത്തില് സംഘടിപ്പിച്ചു. ഒപ്പം ഗാന്ധിഭവന്റെ നേതൃത്വത്തില് ആരംഭിച്ച അമ്മയ്ക്കൊരുമ്മ പദ്ധതിയുടെ 47-ാം ദിനസംഗമം ഉത്ഘാടനവും നടന്നു. തുമ്പമണ് ഓര്ത്തഡോക്സ് ഭദ്രാസനം സെക്രട്ടറി റവ. ജോണ്സണ് കല്ലിട്ടതില് കോര് എപ്പിസ്കോപ്പ പരിപാടിയുടെ ഉദ്ഘാടനം നിര്വഹിച്ചു.
ഗാന്ധിഭവന് ദേവലോകം ഡയറക്ടര് അജീഷ് എസ്സ് അധ്യക്ഷത വഹിച്ചു. ഗാന്ധിഭവന് ദേവലോകത്തിലെ മുതിര്ന്ന അമ്മയുടെ കൈത്തലം ‘മുത്തി’യാണ് അമ്മയ്ക്കൊരുമ്മ ഉത്ഘാടനം നിര്വഹിച്ചത്. സ്വന്തം ഭവനങ്ങളില് മാതാപിതാക്കള്ക്ക് ആദരവും സ്നേഹവും ലഭിക്കണമെന്ന ലക്ഷ്യത്തോടെ ഗാന്ധിഭവന് ആരംഭിച്ച ഒരു വര്ഷം നീണ്ടുനില്ക്കുന്ന പദ്ധതിയാണ് അമ്മയ്ക്കൊരുമ്മ. വാര്ദ്ധക്യത്തിലേക്ക് എത്തുന്ന മാതാപിതാക്കളുടെ അനുഭവസമ്പത്ത് വലിയൊരു പാഠപുസ്തകമാണ്. നമ്മുടെ സംസ്കാരം തലമുറകള്ക്ക് കൈമാറുന്നതും മാതാപിതാക്കളാണ്.
ഈ സന്ദേശം വിദ്യാര്ത്ഥികളിലും യുവതലമുറയിലും പ്രചരിപ്പിക്കുക എന്നതാണ് ഈ പദ്ധതിയുടെ ലക്ഷ്യം. ഈ പദ്ധതി ഒരു വര്ഷം ഒരു ദിവസംപോലും മുടക്കമില്ലാതെ തുടരും. മോനികുട്ടി വർഗീസ്, ജോൺ ഫിലിപ്പ്, മറിയാമ്മ ഫിലിപ്പ്, ഷേർളി വർഗീസ്, മോളി ഐസക്, മേയ്സി എബ്രഹാം, സൂര്യ ക്രിസ്റ്റോ, എ.അഭിജിത് എന്നിവർ പങ്കെടുത്തു.
