ദില്ലി: വാരിസ് പഞ്ചാബ് ദേയുടെ തലവനായ ഖാലിസ്ഥാനി വിഘടനവാദി നേതാവ് അമൃത്പാല് സിങിന്റെ പങ്കാളിയായ ഗൂര്ഖ ബാബ എന്ന തേജീന്ദര് സിങ്ങിനെ പോലീസ് അറസ്റ്റ് ചെയ്തു. ഖന്നയിലെ മലൗദ് പോലീസ് സ്റ്റേഷനിലെ മംഗേവാള് ഗ്രാമത്തിലെ താമസക്കാരനാണ് ഗൂര്ഖ ബാബ. ഇയാള്ക്കെതിരെ 107/151 വകുപ്പ് പ്രകാരം കേസെടുത്തിട്ടുണ്ട്. ഇതുകൂടാതെ, തേജീന്ദറിന്റെ രണ്ട് ഉറ്റസുഹൃത്തുക്കളെയും പോലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്.
അതേസമയം അമൃത്പാലുമായി ബന്ധപ്പെട്ട് 8 സംസ്ഥാനങ്ങളില് മുന്നറിയിപ്പ് നല്കിയിട്ടുണ്ട്. അമൃത്പാല് വിദേശത്തേക്ക് കടക്കാതിരിക്കാന് പാകിസ്ഥാന് നേപ്പാളിനോട് ചേര്ന്നുള്ള അതിര്ത്തിയില് ബിഎസ്എഫും എസ്എസ്ബിയും ജാഗ്രത പുലര്ത്തുന്നുണ്ട്. പഞ്ചാബിലെ പലയിടത്തും ശക്തമായ വാഹന പരിശോധന നടത്തി സുരക്ഷ ശക്തമാക്കിയിട്ടുണ്ട്.
