തിരുവനന്തപുരം : ആര്യനാട് പോലീസ് സ്റ്റേഷനില് ഒളിച്ചോട്ടവുമായി ബന്ധപ്പെട്ട കേസില് വനിതാ പോലീസുകാര് തമ്മില് വാക്കുതര്ക്കം. കക്ഷികളെ കോടതിയില് ഹാജരാക്കുന്നതുമായി ബന്ധപ്പെട്ടാണ് തര്ക്കമുണ്ടായത്. വനിതാ എസ്.ഐയുടെ മുന്നില്വെച്ചാണ് പോലീസുകാര് അച്ചടക്കം മറന്ന് പോരടിച്ചത്. സ്റ്റേഷനിലുണ്ടായിരുന്ന നാട്ടുകാരില് ചിലര് ചിത്രീകരിച്ച ദൃശ്യങ്ങളാണ് പുറത്തുവന്നത്.
തിങ്കളാഴ്ച വൈകിട്ടോടെയാണ് സംഭവം ഉണ്ടായത്. ആര്യനാട് സ്റ്റേഷന് പരിധിയില് ഒരു വിവാഹിതന് പതിനെട്ട് വയസ്സുകാരിയുമായി ഒളിച്ചോടിയിരുന്നു. പരാതിയുടെ അടിസ്ഥാനത്തില് ഇരുവരേയും പോലീസ് കണ്ടെത്തുകയും ഇവരെ കോടതിയില് ഹാജരാക്കാന് എസ്.ഐ വനിതാ പോലീസുകാരില് ഒരാളോട് നിര്ദേശിച്ചു. ഈ ജോലി ചെയ്യുന്നതുമായി ബന്ധപ്പെട്ടായിരുന്നു ഇരുവരും തമ്മില് തര്ക്കമുണ്ടായത്. ആരാണ് സീനിയര്, ജൂനിയര് എന്നത് സംബന്ധിച്ച് ഇവര് തമ്മില് നേരത്തെ തര്ക്കമുണ്ടായിരുന്നു. ഇതാണ് പരസ്പരമുള്ള വഴക്കിന് കാരണമായത്. ഇതുസംബന്ധിച്ച് സ്പെഷ്യല് ബ്രാഞ്ച് അന്വേഷണം ആരംഭിച്ചിട്ടുണ്ട്.
