ചെങ്ങന്നൂർ: ചെങ്ങന്നൂരിൽ പുതിയതായി സ്റ്റോപ്പ് അനുവദിച്ച വന്ദേഭാരതിന് ചെങ്ങന്നൂരിൽ ആവേശ്വോജ്ജ്വല സ്വീകരണം നൽകി. ചെങ്ങന്നൂർ റെയിൽവേ സ്റ്റേഷനിൽ പൗരാവലിയുടേയും ബിജെപി, കോൺഗ്രസ് ആഭിമുഖ്യത്തിലുമുള്ള സ്വീകരണമായിരുന്നു നൽകിയത്. വാദ്യമേളങ്ങളുടേയും, വഞ്ചിപ്പാട്ടിൻ്റേയും അകമ്പടിയോടുകൂടി പുഷ്പവൃഷ്ടി നടത്തി സ്വീകരിച്ചു. ഇന്ത്യൻ റെയിൽവേയുടെ ആഭിമുഖ്യത്തിൽ റെയിൽവേ സ്റ്റേറ്റഷനിൽ നടന്ന സ്വീകരണ സമ്മേളനം കേന്ദ്ര വിദേശകാര്യ സഹമന്ത്രി വി.മുരളീധരൻ ഉദ്ഘാടനം ചെയ്തു. എംപി കൊടിക്കുന്നിൽ സുരേഷ് അധ്യക്ഷതവഹിച്ചു.
ചെങ്ങന്നൂർ നഗരസഭ ചെയർപേഴ്സൺ സൂസമ്മ എബ്രഹാം, വൈസ് ചെയർപേഴ്സൺ മനീഷ് കീഴാമഠത്തിൽ, ഡിവിഷണൽ റെയിൽവേ മാനേജർ എസ് എം സിൻഹ, കൗൺസിലർമാരായ കെ.ഷിബു രാജൻ, സിനി ബിജു, സുജ ജോൺ, അയ്യപ്പ സേവാ സംഘം ദേശീയ ജനറൽ സെക്രട്ടറി ഡി വിജയകുമാർ, കെപിസിസി നിർവാഹക സമിതി അംഗം അഡ്വ:എബി കുര്യാക്കോസ്, കോൺഗ്രസ് ബ്ലോക്ക് പ്രസിഡന്റ് അഡ്വ:കെ.ആർ.സജീവൻ, ബിജെപി സംസ്ഥാന സെക്രട്ടറി പന്തളം പ്രതാപൻ, സംസ്ഥാന വക്താവ് സന്ദീപ് വാചസ്പതി, ജില്ലാ പ്രസിഡൻ്റ് എം.വി.ഗോപകുമാർ, ദക്ഷിണമേഖല സെക്രട്ടറി ബി.കൃഷ്ണകുമാർ, സജു ഇടക്കല്ലിൽ, കെ. ജി കർത്ത, പ്രമോദ് കാരയ്ക്കാട്, അനീഷ് മുളക്കുഴ, സതീഷ് കൃഷ്ണൻ തുടങ്ങിയവർ പ്രസംഗിച്ചു.
