തിരുവനന്തപുരം : സെപ്റ്റംബർ മാസത്തെ ശമ്പളത്തിന്റെ രണ്ടാം ഗഡു ഒക്ടോബർ അവസാനമായിട്ടും കിട്ടാതെ വന്നതോടെ ദൈനംദിനം ചെലവുകൾക്ക് പോലും പണമില്ലാതെ കെഎസ്ആർടിസി ജീവനക്കാർ വലയുകയാണ്. 40 കോടി രൂപയുണ്ടെങ്കിൽ ശമ്പളം കൊടുക്കാമെങ്കിലും ഓവർഡ്രാഫ്റ്റെടുത്ത് നൽകാൻ കെഎസ്ആർടിസിയുടെ പക്കൽ എട്ടുകോടി രൂപ മാത്രമാണുള്ളത്. 50 കോടി രൂപ മാസം തോറും സഹായം നൽകുമെന്ന് മുഖ്യമന്ത്രിയും ധനമന്ത്രിയും ഉറപ്പ് കൊടുത്തെങ്കിലും കുറേ മാസങ്ങളായി കെഎസ്ആർടിസിക്ക് കിട്ടുന്നത് 30 കോടി മാത്രമാണ്. ഈ മാസം ആദ്യം ലഭിച്ച 30 കോടിയും കെഎസ്ആർടിസി സ്വന്തം ഫണ്ടിൽ നിന്ന് എടുത്ത 10 കോടിയും ചേർത്താണ് ആദ്യഗഡു ശമ്പളം നൽകിയത്.
