പത്തനംതിട്ട: കോന്നി നിയോജക മണ്ഡലത്തിലേ ടെൻഡർ കഴിഞ്ഞതും പണികൾ ആരംഭിച്ചതുമായ മുഴുവൻ റോഡുകളുടെയും പണികൾ എത്രയുംവേഗം പൂർത്തികരിക്കണമെന്നും ആനകുത്തി – കുമ്മണ്ണൂർ റോഡ് അടിയന്തിരമായി സഞ്ചാരയോഗ്യമാക്കണമെന്നും കേരളാ കോൺഗ്രസ് ജില്ലാ പ്രസിഡന്റ് വിക്ടർ ടി തോമസ് ആവശ്യപ്പെട്ടു. കേരളാ കോൺഗ്രസ് കോന്നി നിയോജക മണ്ഡലം കമ്മിറ്റിയുടെ നേത്രുത്വത്തില് കോന്നി പി.ഡബ്ലിയു.ഡി അസിസ്റ്റന്റ് എഞ്ചിനിയറുടെ ഓഫീസിനു മുമ്പിൽ നടത്തിയ പ്രതിഷേധ ധര്ണ്ണ ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
നിയോജക മണ്ഡലം പ്രസിഡന്റ് കെ.എസ് ജോസ് അധ്യക്ഷത വഹിച്ചു. സംസ്ഥാന കമ്മറ്റി അംഗം വർഗീസ് ചള്ളക്കൽ, കെ.ടി.യു.സി ജില്ലാ പ്രസിഡന്റ് തോമസുകുട്ടി കുമ്മണ്ണൂർ, യു.ഡി.എഫ് കൺവീനർ ഉമ്മൻ മാത്യു വടക്കേടം, എബ്രഹാം ചെങ്ങറ, പഞ്ചായത്ത് മെമ്പർ കെ.ഡി സന്തോഷ്, കെ.പി തോമസ്, ജോൺ വട്ടപ്പാറ, ക്യാപ്റ്റൻ ജോയ്, രാജൻ ഡാനിയേൽ പുതുവേലിൽ, കെ.സി നായർ, മുഹമ്മദ് മുസ്തഫ കുമ്മണ്ണൂർ എന്നിവർ പ്രസംഗിച്ചു.
