പത്തനംതിട്ട : ശബരിമല സ്കീമില് ഉള്പ്പെടുത്തി നാലു കോടി രൂപ വിനിയോഗിച്ച് നിര്മാണം പൂര്ത്തീകരിച്ച ആനന്ദപ്പള്ളി-കൊടുമണ് റോഡ് ഡിസംബര് 13ന് വൈകീട്ട് അഞ്ചിന് പൊതുമരാമത്ത് ടൂറിസം വകുപ്പ് മന്ത്രി മുഹമ്മദ് റിയാസ് ഉദ്ഘാടനം ചെയ്യും. ചടങ്ങില് ഡെപ്യുട്ടി സ്പീക്കര് ചിറ്റയം ഗോപകുമാര് അധ്യക്ഷത വഹിക്കും.
ആന്റോ ആന്റണി എംപി, ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന്, അടൂര് നഗരസഭ ചെയര്മാന് ഡി. സജി, കൊടുമണ് ഗ്രാമപഞ്ചായത്ത് പ്രസിഡന്റ് കെ.കെ. ശ്രീധരന് എന്നിവരും രാഷ്ട്രീയ – സാമൂഹിക നേതാക്കളും പങ്കെടുക്കും.
