പത്തനംതിട്ട : കാര്ഷിക പമ്പു സെറ്റുകള്ക്ക് അനര്ട്ട് സബ്സിഡി നല്കുന്നു. കേന്ദ്ര കര്ഷക സഹായ പദ്ധതിയായ പിഎം കുസും കോംപോണന്റ് ബിയുടെ രജിസ്ട്രേഷന് ആരംഭിച്ചു. അനെര്ട്ടിന്റെ ജില്ലാ കാര്യാലയങ്ങള് മുഖേന 27.01.2022 മുതല് ഈ പദ്ധതി പ്രകാരം വൈദ്യുത പമ്പുകളെ സോളാര് പമ്പുകളാക്കി മാറ്റുന്നതിലൂടെ ഇന്ധന വില ലാഭിക്കാന് കര്ഷകര്ക്ക് സാധിക്കുന്നു. ഈ പദ്ധതി പ്രകാരം കര്ഷകര് സ്ഥാപിക്കുന്ന പമ്പുകള്ക്ക് കേന്ദ്ര – സംസ്ഥാന ഗവണ്മെന്റുകളുടെ 60 ശതമാനം സബ്സിഡി ലഭിക്കും. വൈദ്യുതി പമ്പുകളല്ലാത്ത പമ്പുകള് ഉപയോഗിക്കുന്ന എല്ലാ കര്ഷകരും ഈ ആനുകൂല്യത്തിന് അര്ഹരാണ്. കൂടുതല് വിവരങ്ങള്ക്ക് അനര്ട്ടിന്റെ ജില്ലാ കാര്യാലയവുമായി ബന്ധപ്പെടുക. ഫോണ് നമ്പര് 0468 – 2224096
