പത്തനംതിട്ട : അങ്ങാടിക്കല് സ്മാര്ട്ട് വില്ലേജ് ഓഫീസ് പുതിയ കെട്ടിടത്തിന്റെ ഉദ്ഘാടനം ഓഗസ്റ്റ് 7ന് ഉച്ചയ്ക്ക് 2.30 ന് വില്ലേജ് ഓഫീസ് അങ്കണത്തില് റവന്യു- ഭവനനിര്മാണ വകുപ്പ് മന്ത്രി കെ.രാജന് നിര്വഹിക്കും. നിയമസഭ ഡെപ്യൂട്ടി സ്പീക്കര് ചിറ്റയം ഗോപകുമാര് അധ്യക്ഷത വഹിക്കും. 2020-21 പദ്ധതി വിഹിതത്തില് നിന്നും 44 ലക്ഷം രൂപ ചെലവഴിച്ചാണ് അങ്ങാടിക്കല് സ്മാര്ട്ട് വില്ലേജ് നിര്മിച്ചത്. പൊതുമരാമത്ത് (കെട്ടിടം) എക്സിക്യൂട്ടീവ് എന്ജിനീയര് ബിജി തോമസ് റിപ്പോര്ട്ട് അവതരിപ്പിക്കും.
ആന്റോ ആന്റണി എം.പി മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് ജോര്ജ് എബ്രഹാം, ജില്ലാ കളക്ടര് എസ് പ്രേം കൃഷ്ണന്, പറക്കോട് ബ്ലോക്ക് പഞ്ചായത്ത് പ്രസിഡന്റ് എം പി മണിയമ്മ, എഡിഎം ബി ജ്യോതി, അടൂര് ആര്ഡിഒ എം ബിപിന്കുമാര്, അടൂര് തഹസില്ദാര് ജോണ് സാം, ത്രിതല പഞ്ചായത്ത് അംഗങ്ങള്, രാഷ്ട്രീയകക്ഷി പ്രതിനിധികള്, ഉദ്യോഗസ്ഥര് തുടങ്ങിയവര് പങ്കെടുക്കും.
