ഗവി: ഗവിയില് അംഗനവാടി അധ്യാപികയുടെ മരണം കൊലപാതകമെന്ന് സംശയം. യുവതിയെ പീഡനത്തിന് ഇരയാക്കിയശേഷം കൊലപ്പെടുത്തിയതെന്നാണ് പോലീസിന്റെ പ്രാഥമിക നിഗമനം. അംഗനവാടി അധ്യാപിക മേനക(30)യെയാണ് മരിച്ച നിലയില് കണ്ടെത്തിയത്. നാട്ടുകാരാണ് വിവരം പോലീസില് അറിയിച്ചത്. ഗവി മീനാര് വന ഭാഗത്ത് റോഡിന് അരികില് വെള്ളത്തിലാണ് മൃതദേഹം കണ്ടെത്തിയത്. മൃതദേഹം കാണപ്പെടുമ്പോള് ശരീരത്തില് വസ്ത്രങ്ങള് വലിച്ചു കീറിയ നിലയിലായിരുന്നു. ശരീരത്തില് മുറിവുകളുണ്ട്. സംഭവത്തില് പ്രതിയെന്ന് സംശയിക്കുന്ന മൂഴിയാര് ആദിവാസി കോളനിയില് താമസിക്കുന്ന കുമാരന് എന്നയാളെ പോലീസ് കസ്റ്റഡിയിലെടുത്തിട്ടുണ്ട്. സംഭവത്തെ തുടര്ന്ന് മൂഴിയാര് പോലീസ് സ്റ്റേഷനില് നിന്നും ഉദ്യോഗസ്ഥര് സ്ഥലത്തേക്ക് തിരിച്ചിട്ടുണ്ട്. വിശദമായ അന്വേഷണങ്ങള്ക്ക് ശേഷം മാത്രമേ കൂടുതല് വിവരങ്ങള് ലഭ്യമാകൂ.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
