പത്തനംതിട്ട : അങ്കണവാടി ജീവനക്കാരോടുള്ള കേന്ദ്ര സർക്കാർ നിലപാടുകൾക്കും മേലുദ്യോഗസ്ഥരുടെ മാനസികപീഡനങ്ങൾക്കും എതിരേ അങ്കണവാടി വർക്കേഴ്സ് ആൻഡ് ഹെൽപ്പേഴ്സ് യൂണിയൻ (സിഐടിയു) ജില്ലാ കമ്മിറ്റി ധർണ നടത്തും. ബുധനാഴ്ച 9.30-ന് ജില്ലാ പ്രോഗ്രാം ഓഫീസ് പടിക്കൽ സിഐടിയു ജില്ലാ സെക്രട്ടറി പി.ബി. ഹർഷകുമാർ ഉദ്ഘാടനം ചെയ്യും. കേന്ദ്രസർക്കാരിന്റെ നിയമങ്ങൾ ജീവനക്കാരെ സമ്മർദത്തിനിടയാക്കുന്നതായി ജില്ലാ സെക്രട്ടറി എസ്. ശോഭ, പ്രസിഡന്റ് ഗീതാ സുരേന്ദ്രൻ,
വൈസ് പ്രസിഡന്റ് പി.എസ്. ഷേർലി എന്നിവർ പത്രസമ്മേളനത്തിൽ പറഞ്ഞു. കുട്ടികൾ, ഗർഭിണികൾ, പാലൂട്ടുന്ന അമ്മമാർ എന്നിവർക്കുള്ള കേന്ദ്ര സർക്കാർ ആനുകൂല്യങ്ങൾ ലഭ്യമാക്കുക, അങ്കണവാടി പ്രവർത്തകരുടെ വേതനം ഇൻസെന്റീവ് ആക്കി മാറ്റിയ കേന്ദ്ര സർക്കാർ തീരുമാനം പിൻവലിക്കുക തുടങ്ങിയ ആവശ്യങ്ങളും ഉന്നയിച്ചാണ് ധർണ.
