തിരുവനന്തപുരം : അംഗനവാടികള് ജനുവരി മൂന്നിന് തുറക്കും സംസ്ഥാന വനിത – ശിശു ക്ഷേമ വകുപ്പ് അറിയിച്ചു.
ഇതിനായി ‘കുരുന്നുകള് അങ്കണവാടികളിലേയ്ക്ക്’ എന്ന പേരില് പ്രത്യേക മാര്ഗനിര്ദ്ദേശങ്ങള് വകുപ്പ് പുറത്തിറക്കിയിട്ടുണ്ട്. ശനിയാഴ്ചകളും പ്രവൃത്തി ദിനമായിരിക്കുമെന്നും വകുപ്പ് അറിയിച്ചു. രാവിലെ 9.30 മുതല് ഉച്ചയ്ക്ക് 12.30 വരെയായിരിക്കും അങ്കണവാടികള് പ്രവര്ത്തിക്കുന്നത്. 1.5 മീറ്റര് അകലം പാലിച്ച് കുട്ടികളെ ഇരുത്താന് അധികാരികള്ക്ക് നിര്ദ്ദേശം നല്കിയിട്ടുണ്ട്. രക്ഷാകര്ത്തക്കള് അങ്കണവാടിയില് പ്രവേശിക്കരുതെന്നും നിര്ദ്ദേശം നല്കിയിട്ടുണ്ട്.ഘട്ടം ഘട്ടമായാണ് അങ്കണവാടികള് തുറക്കുന്നത്. ആദ്യ ഘട്ടത്തില് ഭിന്നശേഷി കുട്ടികളെ ഒഴിവാക്കിയിട്ടുണ്ട്. 15 കുട്ടികളുള്ള അങ്കണവാടികളില് രക്ഷകര്ത്താക്കളുടെ അഭിപ്രായം പരിഗണിച്ച് ബാച്ചുകളായി തിരിച്ചായിരിക്കും പ്രവര്ത്തനം. ജീവനക്കാരും, കുട്ടികളെ എത്തിക്കുന്ന വാഹനങ്ങളിലെ ഡ്രൈവര്മാരും രണ്ട് ഡോസ് വാക്സിന് എടുത്തിരിക്കണം എന്നും വനിത-ശിശുക്ഷേമ വകുപ്പ് നിര്ദ്ദേശം നല്കിയിട്ടുണ്ട്.
