തിരുവനന്തപുരം : മുഖ്യമന്ത്രി പിണറായി വിജയന് പൈലറ്റും എസ്കോര്ട്ടുമായി പോകാന് നാല് പുതിയ കാറുകള് കൂടി വാങ്ങി. കറുപ്പ് നിറത്തിലുള്ള മൂന്ന് ഇന്നോവ ക്രിസ്റ്റ കാറുകളും ഒരു ടാറ്റാ ഹാരിയറുമാണ് വാങ്ങിയത്. ഇതിനായി 62.46 ലക്ഷം രൂപയാണ് ചെലവിട്ടത്. പ്രത്യേക കേസായി പരിഗണിച്ചാണ് കാറുകള് വാങ്ങാനുള്ള തീരുമാനം പൊതുഭരണ വകുപ്പ് എടുത്തത്. മുന് പോലീസ് മേധാവി ലോക്നാഥ് ബെഹ്റയുടെ ശുപാര്ശയായിരുന്നു കറുത്ത കാറുകള്.
പുതിയ കാറുകള് വരുമ്പോള് നിലവില് ഉപയോഗിക്കുന്ന രണ്ട് കാറുകള് മാറ്റും. കാലപ്പഴക്കം മൂലം കാര്യക്ഷമത കുറഞ്ഞതിനാല് സര്ക്കാരിനോട് അന്നത്തെ പോലീസ് മേധാവിയായിരുന്ന ലോക്നാഥ് ബെഹ്റ ശുപാര്ശ ചെയ്തിരുന്നു. ഇതിന്റെ അടിസ്ഥാനത്തിലാണ് കാറുകള് മാറ്റാന് തീരുമാനിച്ചത്. കെഎല് 01 സിഡി 4764, കെഎല് 01 സിഡി 4857 എന്നീ രജിസ്ട്രേഷന് നമ്പറുകളുള്ള കാറുകളാണ് പൈലറ്റ് എസ്കോര്ട്ട് ഡ്യൂട്ടികളില് നിന്നും ഒഴിവാക്കുന്നത്.
