ഋഷികേശ്: റിസപ്ഷനിസ്റ്റായിരുന്ന അങ്കിത ഭണ്ഡാരി(19)യുടെ കൊലപാതകത്തെ തുടര്ന്ന് സര്ക്കാര് പൊളിച്ച പുല്കിത് ആര്യയുടെ ഉത്തരാഖണ്ഡിലെ അനധികൃത റിസോര്ട്ടില് മയക്കുമരുന്ന് ദുരുപയോഗവും അനാശാസ്യവും പതിവായിരുന്നുവെന്ന് മുന് ജീവനക്കാരുടെ ആരോപണം.
റിസോര്ട്ട് മാനേജ്മെന്റ് അതിഥികള്ക്ക് മദ്യവും കഞ്ചാവും മയക്കുമരുന്നുകളും കൂടാതെ പെണ്കുട്ടികളെയും എത്തിച്ചു നല്കിയെന്നും രണ്ട് മാസം മുമ്പ് വരെ ഇവിടെ റിസപ്ഷനിസ്റ്റായിരുന്ന റിഷിത ആരോപിച്ചു. ആഗസ്റ്റില് അങ്കിത ഇവിടെ ചേരുന്നതിന് മുമ്പാണ് റിഷിത രാജിവെച്ചത്. അനധികൃത പ്രവര്ത്തനങ്ങള്ക്ക് കൂട്ടുനില്ക്കാത്തതിനാല് തന്നെ റിസോര്ട്ട് ഉടമ അധിക്ഷേപിച്ചെന്നും അശ്ലീലം പറഞ്ഞെന്നും അവര് ആരോപിച്ചു.
