തിരുവനന്തപുരം: അനില് ആന്റണി മാലിന്യമെന്ന് കെഎസ്യു പ്രസിഡന്റ് അലോഷ്യസ് സേവ്യര്. രാഷ്ട്രീയ മാലിന്യങ്ങള്ക്ക് തീ പിടിക്കുന്നത് പുതിയ വാര്ത്തയൊന്നുമല്ലല്ലോ എന്നും തീ പിടിപ്പിക്കുന്നവരെ തിരിച്ചറിയണമെന്നും അലോഷ്യസ് സേവ്യര് ഫേസ്ബുക്കില് കുറിച്ചു. അനില് ആന്റണിയുടെ ബിജെപി പ്രവേശനത്തിന് പിന്നാലെയാണ് വിമര്ശനം. അനില് ആന്റണിയെ പോലുള്ള മാലിന്യ ങ്ങള്ക്ക് തീ പിടിക്കുമ്പോള് വിഷപ്പുക ശ്വസിക്കേണ്ടി വരുന്നത് മെറിറ്റില് പണി എടുക്കുന്ന സാധാരണ പ്രവര്ത്തകരാണെന്നും അത് നേതൃത്വം ഓര്മിക്കണമെന്നും അലോഷ്യസ് സേവ്യര് പറഞ്ഞു.
അതേസമയം അനില് ആന്റണിയുടെ ബിജെപി പ്രവേശനത്തിന് പിന്നാലെ കോണ്ഗ്രസിനെ വിമര്ശിച്ച് അനില് ആന്റണി. കോണ്ഗ്രസ് ഒരു കുടുബത്തിന് വേണ്ടി പണിയെടുക്കുന്നു എന്നായിരുന്നു അനില് ആന്റണിയുടെ വിമര്ശനം. എന്നാല്, ബിജെപി രാജ്യത്തിന് വേണ്ടിയാണ് പ്രവര്ത്തിക്കുന്നതെന്നും ഇന്ത്യയെ ഉന്നതങ്ങളിലേക്ക് നയിക്കാനുള്ള കാഴ്ചപ്പാടാണ് മോദിക്കുള്ളതെന്നും അനില് ആന്റണി പറഞ്ഞു. ‘ധര്മ്മത്തെ രക്ഷിച്ചാല് ധര്മ്മം നമ്മെ കാത്ത് രക്ഷിക്കും’ എന്ന സംസ്കൃത ശ്ലോകം ഉദ്ധരിച്ചായിരുന്നു അനില് ആന്റണിയുടെ ബിജെപി പ്രവേശനം.
