ദില്ലി: കോണ്ഗ്രസിനെ വിമര്ശിച്ച് മുതിര്ന്ന കോണ്ഗ്രസ് നേതാവ് എകെ ആന്റണിയുടെ മകന് അനില് ആന്റണി. കോണ്ഗ്രസ് ഒരു കുടുബത്തിന് വേണ്ടി പണിയെടുക്കുന്നു എന്നായിരുന്നു അനില് ആന്റണിയുടെ വിമര്ശനം. എന്നാല്, ബിജെപി രാജ്യത്തിന് വേണ്ടിയാണ് പ്രവര്ത്തിക്കുന്നതെന്നും ഇന്ത്യയെ ഉന്നതങ്ങളിലേക്ക് നയിക്കാനുള്ള കാഴ്ചപ്പാടാണ് മോദിക്കുള്ളതെന്നും അനില് ആന്റണി പറഞ്ഞു. ‘ധര്മ്മത്തെ രക്ഷിച്ചാല് ധര്മ്മം നമ്മെ കാത്ത് രക്ഷിക്കും’ എന്ന സംസ്കൃത ശ്ലോകം ഉദ്ധരിച്ചായിരുന്നു അനില് ആന്റണിയുടെ ബിജെപി പ്രവേശനം.
ദേശീയ ആസ്ഥാനത്തെത്തി കേന്ദ്രമന്ത്രി പീയൂഷ് ഗോയലില് നിന്നാണ് അനില് ആന്റണി പാര്ട്ട് അംഗത്വം സ്വീകരിച്ചത്. ബിജെപി സംസ്ഥാന അധ്യക്ഷന് കെ സുരേന്ദ്രനൊപ്പമാണ് അനില് ആന്റണി ബിജെപി ആസ്ഥാനത്തെത്തിയത്. പാര്ട്ടി ആസ്ഥാനത്ത് കേന്ദ്രമന്ത്രിമാരായ പീയൂഷ് ഗോയല്, വി മുരളീധരന് തുടങ്ങിയവര് ചേര്ന്ന് അനില് ആന്റണിയെ സ്വീകരിച്ചത്.
